BaiShan can write to who he want — Soulja Bai

BaiShanLin accustom to getting dem own way wid Jagdeo, that scamp. Dem never live up to what they agreed to. Jagdeo and Donald Dumb didn’t do nutten to dem.

The coalition been watching dem. Even Joe ShanLin, dem newfound cousin, use to cuss dem nasty. Is de family reunion wha mek dem know that BaiShan and JoeShan is blood cousin.

Dem is two sissy pickney. One mudda name Chu Ling and de other name Dar Ling. Dem boys hear in de grapevine that Joe Shan was adopting a hands off approach till Soulja Bai pull him up.

That pulling up was like drawing a rope round BaiShan neck, suh he holler and write several letters to he second cousin, Ban Ki de Moon who mudda did name Full Moon.

He complaining how Soulja Bai not respecting or abiding by de agreement signed with that scamp Jagdeo. But in de letter he send to

Ban Ki de Moon he never tell de man how he, BaiShan, together wid de other Shans did not live up to dem own clause dem sign in de agreement.

Dem never build nutten, dem never employ no Guyanese, dem never pay no taxes nor NIS. And dem got more company than friends in Guyana.

Dem also never tell Ban Ki that dem ship out hundreds of thousands containers of Guyana’s most expensive wood to China and elsewhere.

Dem never tell de man how much gold dem dig out and carry way. But dem tell him how Soulja Bai tek two out of 200-plus vehicles that dem bring in under duty-free concessions.

Dem tell de man if Soulja Bai don’t return de vehicle it gun strain de relationship. Wha kind a strain dem boys don’t know and dem don’t care.

When Soulja Bai read de letter he and all seh he don’t care who they complain to and wha strain dem putting demself under. All he know he too old to tek strain.

Dem boys hear when he tell Sandra Gyal last night that he believe cousin Joe Shan had a hand in that letter. He keeping he eye open and he ears to de ground.

He know he got to deal wid BaiShan, de spirogyra.

Talk half and wait till BaiShan second cousin respond.