Brassington run and lef Guyana wid de hydroseed

Every day some new and shocking revelations hitting Guyana. The most shocking one is that Brassington behave like if de public treasury was he personal bank book.

Ashni Singh and Jagdeo, that scamp, behave like if de treasury was a joint account between dem. Ask dem fuh explain how dem allow Brassington to giveaway over $400M to de American company that been here and promise to build Guyana’s hydroseed.

From de time dem announce de hydroseed was crookishness and secrecy. Brassington, Jagdeo and Ashni behave like if was a bedroom story.

Dem tell de nation that de hydroseed gun cost Guyana US$400M. Not even a month pass and de cost jump to US$600M. Then Sithe Global come to Guyana and hold a big press conference and by de time de conference done de cost was US$900.

De next morning, in de plane heading to Miami, de same man tell de Waterfalls boss man that de project might cost over US$1B.

When de man find out who he tell that to, he cover he head wid a blanket and play sleep just not to let out any more secrets.

Since then fuh every project, Jagdeo got Brassington putting in a confidentiality clause.

Dem boys seh de way dem was flaunting dem two words ‘Confidentiality Clause’ dem believe was some new sex pose in dem bedroom.

Now de American people run way wid Guyana money and Brassington run way too. Nobody ain’t know wheh he gone and that is because of de confidentiality clause Soulja Bai look like he now want to accept.

Brassington gone wid money; Deonarine gone wid money; Ashni disappear; Rob de Earth can’t be found and Jagdeo now missing.

Talk half and thank de Man above that de Waterfalls paper save Guyana from a terrible billion-dollar hydroseed.