Corruption start up under Soulja Bai

After one time is another. That is one old slang. It mean that today you riding high and tomorrow you could deh riding low. Dem got nuff people who get rich overnight and by day clean dem fall flat pun dem fast, broke as a church mouse. Donald Dumb is a good and very clear example of how yesterday he was on top of de world. Today he deh beneath de world. This man had de biggest and most powerful office in Freedom House and Ohh Pee. Today he deh in that same Freedom House but in a rat hole. De goat man deh in de big office. Dem boys did warn Donald about giving up de office of General Secretary. He didn’t listen. But he talking fat from de rat hole. He seh that if de Bar Rat think he more powerful than me he gun soon find out. He de Bar Rat kick Moses then tun back and stamp out Rum Jattan. Rob de Earth did laugh; he didn’t know one day he woulda meet de same fate. He time was coming. He get de boot too. Dem boys hear that Donald gun get de boot too. Is only time. And Norman can’t save him. This is de same Norman who was thick, thick wid all of dem. He corrupt de whole Pee Pee Pee. When dem boys think was Jagdeo corrupt de nation, was Norman who taught Jagdeo all de tricks in de book. Anything you want done, call Norman once de bag has enough cash inside, consider it done. Now that de Pee Pee Pee is gone Norman gone too, but he gone to de other side. Dem boys hear and de talking is all over town you want anything done, any crooked deal, any contract, put de right amount of money in a bag and give it to Norman. And he using Soulja Bai and Li’l Joe name. He going to people all over and telling dem how Soulja Bai and in most cases, Li’l Joe, want it done immediately. Dem boys want Soulja Bai and Li’l Joe to know that corruption start under dem watch and dem name calling. Be careful wid Norman.

.