This one is classic.

Dem boys seh … Gee Nah and brown nose Gerry

There is a saying in Guyana; “What is sweet in people mouth does bte bitter in dem tail.” Nuff people get a lot of sweetness. Gerry is one. He get Duke Lodge and just as dem boys predict he get de annex because dem put a man fuh bid knowing that de man couldn’t find de money.
Dem threaten de other man who shoulda get it and Gerry get it. Now he got he nose right in Jagdeo bottom that anything that Jagdeo do does cause Gerry head to go up and down. That is why people seh that he is a yes-man.
He jump and talk bout Jagdeo security like if Jagdeo is some special person. Even Jagdeo, when Auntie Janet talk to he, tell de nation that she is a private citizen. Suh wha mek he different? That is wha dem boys want to know.
Dem boys laugh when dem hear that Bharrat Jagdeo should be afforded the respect that comes with the office. He didn’t have no respect. He put out he wife, he cuss everybody like a bad woman during de elections campaign, and pick up wha he didn’t put down like a common criminal.
One thing, though, while everybody talking he ain’t saying a word. Dem boys seh that people mustn’t get fool, though. He is de one who orchestrating everything but he always behind de scene.
Dem boys seh that he don’t have b(e)lls like most men. He didn’t even tun up in court fuh represent heself.  Dem boys seh that he didn’t respect heself.
Imagine Gee Nah got the nerve fuh talk bout decency. Dem create a policeman fuh argue Jagdeo case. This policeman ain’t got name and he ain’t got a face. But dem boys seh that if he had to resemble anybody he woulda resemble Jagdeo.
Talk half and tell Gerry to clean he nose.