Dem boys seh…A man give Jagdeo he wife fuh free
There is an old saying. “Life isn’t about how you survive the storm but how you dance in the rain.” De Pee Pee Pee dancing under tent and tarpaulin but high breeze gun blow way that tent and expose dem. Three weeks after one officer shoot a kid in he mouth while playing Russian roulette, Rohee, head of de police, and head of de Pee-ing party (Pee Pee Pee) telling de nation that de Top Cop nah brief he yet bout de shooting. Dem boys seh that he damn eyes pass de people of this country. Almost every day de story deh in de papers but it got to be that Rohee nah know fuh read. Is not Rohee alone nah know fuh read. It look like Clintie Bai Shan Lin can’t read too. Fuh two days de newspaper carry a story wid de Waterfalls boss man talking how Jagdeo and Gajraj block he from opening a factory. Dem refuse to give visa fuh de engineer from India to come and set up de factory and train de people. Bai Shan Lin brother, Clintie de Willie, tell a reporter when she ask him fuh a comment on Jagdeo’s vindictiveness he seh that de Waterfalls boss man didn’t report de matter to he suh he can’t comment. He then gone into hiding. He refuse to answer he phone. A man on his deathbed panting fuh breath pitifully tun to he wife next to he, “Give me one last request, dear,” he said. “Of course, darling,” his wife said softly. “Six months after I die,” de man seh, “I want you to marry Jagdeo.” “But I thought you hated Jagdeo,” she said. With his last breath de man said, “I do! I know you gun torment he till he dead, like wha you do me.” Talk half and watch how disrespectful some people in de Pee-ing party can get.
