Dem boys seh …Anil, he uncle and Sattaur telling jumbie story

De more people travel is de more dem does see and hear. A lil gyal was flying from New York to Guyana wid she mudda to celebrate Halloween. When she walk into the plane fuh guh to she seat she ask she mudda, ‘Mammy’ when is Halloween?
De mudda seh, “De last day of Actobah as always, my dear. Why yuh ask?”
De li’l gyal seh, “Because as we pass through the first class section, I see a man, in first class, already wearing a devil costume and it’s not Halloween day yet.”
De mudda tell de child, “There was only one man in first class.”
Li’l Gyal, “Yeah I know but he look like a devil.”
“Child, you feeling good? Because that was the former head of state for Guyana.”
Lil Gyal, “But why he wearing a costume?”
De mudda reply, “Babe, that’s he natural look.”
That’s not de only frightening story. Sattaur story more frightening than how Jagdeo did look in de plane.
He tell de nation that he had to go to two war-torn country fuh find and buy a crash Prado. He seh that he import de one from Afghanistan. At least it had to be Afghanistan because almost all dem vehicle is wreck.
Dem boys seh that is not a jumbie story dem really got to go Suriname or to Saudi Arabia fuh get a proper jumbie.
Anil tell de nation another jumbie story. He seh how de Waterfalls paper lie pun he uncle. De reporter got de man on record, unless de reporter talk to a jumbie and was de jumbie that pose to the side of the vehicle and wasn’t he.
Talk half and wait fuh de recording.