Dem boys seh…Donald continuing

Jagdeo kokishness

De evil that men do lives after dem and everybody know that saying. Dem boys did ask in a previous column, ‘Don’t ask wha Jagdeo and he kavakamites own or got dem hands in. Ask wha dem ain’t own or wha dem ain’t got dem hand in.’
It is coming very clear every day that dem own most things Guyanese people can think about.
Dem boys now realize that is not only owning everything, is wha nation don’t know what and what dem ain’t do. Dem boys know that dem do de gods while others see something else. Dem corrupt de Pee Pee Pee, then dem move to de big ones all across de country. Dem even corrupt plenty of dem in de opposition. That is why so many thing happening in this country and nobody ain’t doing nutten.
Dem boys see that de people get suh numb that dem allowing Jagdeo and he kavakamites fuh do wha dem want to this day and carry de country wheh dem want. It means that dem hell bent in doing nutten right fuh de Guyanese people.
Tek de Ministry of Finance. Jagdeo was de real Minister and everybody see that he is de best thing fuh Guyana. He see that he buy a computer programme fuh $132 million fuh track all de government spending. He set up de programme 10 years ago and deliberately lef out de part wha fuh do de real tracking.
De Shaat scamp wha sit down at de head of de Ministry of Finance, who Donald think is a church boy, come in and he nah even try fuh get de tracking going. He put he second in command fuh tell de Waterfalls paper how dem nah train operators fuh that part. And he believe that people gun accept that lawlessness fuh an answer.
Wha dem do is like Guyana Times buying a printing press fuh $132 million that can print black and white pages, and colour pages.  And Ramroop only train people fuh print black and white pages.
Dem boys see that is wha Jagdeo and he kavakamites do to this nation by not training de people on de two most important programme fuh tracking de money.
Talk half and watch how de disrespect continues for Guyana.