Dem boys seh…Every cow does cry fuh he own calf
Crookishness nah you mattee. It is here, there and everywhere. It is wid de young, de not so young, and de old and not so old. It deh from de top to bottom; from garbage collector to Soulja Bai building.
Crookishness has become a way of life in Guyana.
One of Soulja Bai right hand man, Gary de Wuss got land in Pradoville.
When he hear that SARU investigating and people gun go to jail, he tell Soulja Bai he ain’t pay fuh de land and he ain’t got no transport.
That was de biggest laugh dem boys get, yesterday.
De next set of crooks is dem old scamps who live overseas. Dem come home fuh jubilee and suddenly dem hear Soulja Bai giving way US$90 a month if you over 65. Every single one of dem, young and old, collect a pension book and lef it wid dem, family.
De Minister now telling dem that before dem even collect de next month pension dem got to prove that them been living in Guyana fuh at least two years straight and dem got to come in person.
Soulja Bai seh no more cockishness. All got to stop. He also tell dem boys all dem crookishness and skimping plus cheating on projects got to done.
De country got to start getting value fuh dem money. Dem mustn’t build a road fuh last 20 years and bruck up in 20 months.
Dem mustn’t build a koker to last 10 years and it float away in 10 days. Dem mustn’t build wharf wha does float away overnight wid Donald pun it.
Enough is enough. Soulja Bai seh there will be no more cover-up of anything close or resemble scampishness. He seh he don’t care if is dem mudda, dem fadda, dem sister, brudda or dem pickney. All gun go to jail.
And when dem boys talk bout Marcia going to jail Nadir forget to worry bout heself and he start fuh worry bout he pickney.
Dem boys seh dem can understand because every cow does cry fuh he own calf.
He was a man who run from one of dem island to get away from jail after mekking he hand fast and pocket heavy.
He come home and couldn’t pay he mortgage fuh de house he had. And now he own more than he coulda wuk for; plenty, plenty.
Talk half and hope and pray he don’t get ketch up.
