Dem boys seh…De race is on fuh empty de cookie jar
September 3, 2011 | By KNews | Filed Under Dem Boys Seh, Features / Columnists, News
Source - Kaieteur News
NIS release de bill of quantity and de thing was clear how de money spend. De government pay money like if dem playing monopoly. Imagine fuh fill some nail hole in de roof de Engineer put a cost of 55 grand. Now nuff li’l pickney would glad fuh tun contractor because dem daddy use to mek dem full up dem same nail hole fuh free.
De roof cost $6.5 million. That is a most expensive roof because it ain’t even got gold plate. In fact, dem boys try fuh get somebody fuh break off piece of de roof and see dem coulda pawn it, since de roof got some serious value.
But de thing that get dem boys vex was how dem spend de money. Dem boys seh that dem big ones spend money like water and when dem done dem same big one go to Parliament fuh tek mo’ money. Dem submit wha dem call a… supplementary estimate. Dem two word big. But they simply mean when yuh building a house and yuh near finish, yuh run and beg de bank fuh lil bit mo’fuh complete it.
Is de amount wha’ dem boys tek from parliament that confuse awe. Is a whole US$13 million! And if yuh don’t understand $13 million US, it mean 26 hundred million Guyana money. Now when dem was spending de money dem know that was nuff money and dem done parcel off how de extra gun spend.
People now understand how this thing does wuk. Spend fuss and ask fuh de money later because Parliament can’t ask dem fuh pay back. That is de trick in de trade and this is how de cookie jar running down. Is now a race fuh see when it gun empty.
Talk half. Lef half.
September 3, 2011 | By KNews | Filed Under Dem Boys Seh, Features / Columnists, News
Source - Kaieteur News
NIS release de bill of quantity and de thing was clear how de money spend. De government pay money like if dem playing monopoly. Imagine fuh fill some nail hole in de roof de Engineer put a cost of 55 grand. Now nuff li’l pickney would glad fuh tun contractor because dem daddy use to mek dem full up dem same nail hole fuh free.
De roof cost $6.5 million. That is a most expensive roof because it ain’t even got gold plate. In fact, dem boys try fuh get somebody fuh break off piece of de roof and see dem coulda pawn it, since de roof got some serious value.
But de thing that get dem boys vex was how dem spend de money. Dem boys seh that dem big ones spend money like water and when dem done dem same big one go to Parliament fuh tek mo’ money. Dem submit wha dem call a… supplementary estimate. Dem two word big. But they simply mean when yuh building a house and yuh near finish, yuh run and beg de bank fuh lil bit mo’fuh complete it.
Is de amount wha’ dem boys tek from parliament that confuse awe. Is a whole US$13 million! And if yuh don’t understand $13 million US, it mean 26 hundred million Guyana money. Now when dem was spending de money dem know that was nuff money and dem done parcel off how de extra gun spend.
People now understand how this thing does wuk. Spend fuss and ask fuh de money later because Parliament can’t ask dem fuh pay back. That is de trick in de trade and this is how de cookie jar running down. Is now a race fuh see when it gun empty.
Talk half. Lef half.
