Dem boys seh…De Waterfalls Boss Man would beat de Big Man
October 4, 2011 | By KNews | Filed Under Dem Boys Seh, Features / Columnists, News
Source - Kaieteur News
When a man beat poor people and tek dem money that man is a criminal. That is wha happening all de time and it does pass fuh de law.
De Big Man beat poor people then tek dem money wid VAT, wid other taxes and even wid de few cents dem does play lotto wid. And de bareface thing is that he don’t even give dem a chance fuh seh nutten.
Dem boys know all along that happening but dem get vex when de same Big Man tell people at Albion that de Waterfalls boss man use to beat people who owe he. Dem boys seh that de society does accept when a man beat somebody who owe and don’t want pay. Is de man money. De man wuk fuh it. That is wha dem boys seh.
Dem ask de Waterfalls boss man how much people he beat and de man surprise. When he ketch heself he seh that if he had to beat people fuh owing him, he would beat de Big Man and some of he friends.
He seh how de Big Man tek he money and pocket it like if he wuk fuh it. He tek from other people and build house and when he craw full he give he friends de poor people money.
Dem boys seh that dem see nuff poor people crying and when dem ask de people tell dem that de Big Man got money fuh dem and dem can’t get it back. That is thiefing.
De Waterfalls boss man tell dem boys that he never thief and when some friends of de Big man offer he some of de money dem thief he refuse because he seh that he don’t deal wid blood money. Anybody who tek blood money does blight. That is why nuff of de Big Man friends getting sick and need expensive medical treatment.
Now de Big Man plan fuh tek de Amaila Falls money. Dem boys seh that at de rate he plan fuh tek de Amaila Falls money all de contractor gun be able to do is build a wall.
Talk half. Lef half.
October 4, 2011 | By KNews | Filed Under Dem Boys Seh, Features / Columnists, News
Source - Kaieteur News
When a man beat poor people and tek dem money that man is a criminal. That is wha happening all de time and it does pass fuh de law.
De Big Man beat poor people then tek dem money wid VAT, wid other taxes and even wid de few cents dem does play lotto wid. And de bareface thing is that he don’t even give dem a chance fuh seh nutten.
Dem boys know all along that happening but dem get vex when de same Big Man tell people at Albion that de Waterfalls boss man use to beat people who owe he. Dem boys seh that de society does accept when a man beat somebody who owe and don’t want pay. Is de man money. De man wuk fuh it. That is wha dem boys seh.
Dem ask de Waterfalls boss man how much people he beat and de man surprise. When he ketch heself he seh that if he had to beat people fuh owing him, he would beat de Big Man and some of he friends.
He seh how de Big Man tek he money and pocket it like if he wuk fuh it. He tek from other people and build house and when he craw full he give he friends de poor people money.
Dem boys seh that dem see nuff poor people crying and when dem ask de people tell dem that de Big Man got money fuh dem and dem can’t get it back. That is thiefing.
De Waterfalls boss man tell dem boys that he never thief and when some friends of de Big man offer he some of de money dem thief he refuse because he seh that he don’t deal wid blood money. Anybody who tek blood money does blight. That is why nuff of de Big Man friends getting sick and need expensive medical treatment.
Now de Big Man plan fuh tek de Amaila Falls money. Dem boys seh that at de rate he plan fuh tek de Amaila Falls money all de contractor gun be able to do is build a wall.
Talk half. Lef half.