Dem boys seh…Dem still thiefing
September 11, 2011 | By KNews | Filed Under Dem Boys Seh, Features / Columnists, News
Source - Kaieteur News
People got to be careful wha dem wearing. If dem wearing a li’l gold chain then dem ain’t poor. De Big Man lay down that rule. That is why people does cock he. People who got nuff land does guh to he wid soap in dem eye to mek it look like if they crying and he would give dem more.
A woman had a poo poo chain round she neck when she go to de Human Services Ministry and right away de people tell she that she can’t get and that anybody who tun up wid gold chain can’t get.
But dem boys seh that dem who use to thief de people money dem still thiefing. To this day dem still thiefing and poor people punishing.
When de Waterfalls paper talk bout wha dem do right away somebody decide to check. Dem can’t find de officer and de Minister get knock off long time. Dem now claim how dem gun give de people de money. Dem boys seh that de government should give de poor people de money wid back pay.
Desperate times call for desperate measures. And that can only come from one word. Greed. Is thief somebody was planning to thief suh dem look fuh every loophole fuh mek an extra dollar.
Dem boys seh that things reach de stage wheh dem same people pick up everything in sight. Wha dem nah pick up is wha nobody ain’t want.
Dem tek everything dem eyesight land pon.
But dem boys seh that dem intend to watch and talk. Already people begging dem boys fuh tek on de audit fuh de NIS building. One man promise fuh pay de cost and he already put up money fuh de job. That mek people smile. Dem remember when Rob-Bert announce to de world that he gun allow an audit of de sugar facility. At de last minute when dem boys call he bluff he run.
Dem remember de Lunchman mekking a promise and changing he mouth. And is de same Lunchman who got to authorize de audit. He gun refuse because de door to de $3 million generator shed mek outa gold. Dem hiding dem thiefing money in gold.
Talk half. Lef half.
September 11, 2011 | By KNews | Filed Under Dem Boys Seh, Features / Columnists, News
Source - Kaieteur News
People got to be careful wha dem wearing. If dem wearing a li’l gold chain then dem ain’t poor. De Big Man lay down that rule. That is why people does cock he. People who got nuff land does guh to he wid soap in dem eye to mek it look like if they crying and he would give dem more.
A woman had a poo poo chain round she neck when she go to de Human Services Ministry and right away de people tell she that she can’t get and that anybody who tun up wid gold chain can’t get.
But dem boys seh that dem who use to thief de people money dem still thiefing. To this day dem still thiefing and poor people punishing.
When de Waterfalls paper talk bout wha dem do right away somebody decide to check. Dem can’t find de officer and de Minister get knock off long time. Dem now claim how dem gun give de people de money. Dem boys seh that de government should give de poor people de money wid back pay.
Desperate times call for desperate measures. And that can only come from one word. Greed. Is thief somebody was planning to thief suh dem look fuh every loophole fuh mek an extra dollar.
Dem boys seh that things reach de stage wheh dem same people pick up everything in sight. Wha dem nah pick up is wha nobody ain’t want.
Dem tek everything dem eyesight land pon.
But dem boys seh that dem intend to watch and talk. Already people begging dem boys fuh tek on de audit fuh de NIS building. One man promise fuh pay de cost and he already put up money fuh de job. That mek people smile. Dem remember when Rob-Bert announce to de world that he gun allow an audit of de sugar facility. At de last minute when dem boys call he bluff he run.
Dem remember de Lunchman mekking a promise and changing he mouth. And is de same Lunchman who got to authorize de audit. He gun refuse because de door to de $3 million generator shed mek outa gold. Dem hiding dem thiefing money in gold.
Talk half. Lef half.