Dem boys seh…Full praise to de police
November 5, 2011 | By KNews | Filed Under Dem Boys Seh, Features / Columnists, News
Source - Kaieteur News
Some people does walk round de place looking fuh praise but dem boys seh praise should only be given to de Man above. Dem don’t like shower praise pun people or institution.
Well one man decide to change that. He offer workers eight per cent pay increase and he expect to hear ‘Praise you Bar Rat”. Nobody ain’t say that yet.
This is de same man who give money away like he head ain’t good. He give Fip US$15 million; he give he friends all kind of thing—land, property, money and national awards—just to get praise.
Well dem boys decide that de police deserve all de praise one can give dem. When dem people shoot that granny in Robb Street dem boys believe that de killers woulda walk. But dem police wuk and dem didn’t rest till dem ketch de killers. Dem deserve a medal.
Dem, boys seh that dem watching a development though. Dem know that big money involve and dem people who order de killing got big friends. Some of dem got big friends in de police force.
De thing that got dem boys vex suh till dem want stage a national protest is that people coulda kill an old lady fuh something that all of we gun dead and lef. De woman was no criminal yet she get shoot like one.
That is why dem want see de rope come out. Dem want know who give a man de money fuh pay de set wha shoot de old woman. Dem want know who see and claim that dem didn’t see nutten because somebody give dem money.
De police find a man wid guns and dem hear bout how he pay people. He don’t wuk fuh that kind of money suh somebody give he. De police gun solve de murder. Praise to de.
Talk half. Lef half.
November 5, 2011 | By KNews | Filed Under Dem Boys Seh, Features / Columnists, News
Source - Kaieteur News
Some people does walk round de place looking fuh praise but dem boys seh praise should only be given to de Man above. Dem don’t like shower praise pun people or institution.
Well one man decide to change that. He offer workers eight per cent pay increase and he expect to hear ‘Praise you Bar Rat”. Nobody ain’t say that yet.
This is de same man who give money away like he head ain’t good. He give Fip US$15 million; he give he friends all kind of thing—land, property, money and national awards—just to get praise.
Well dem boys decide that de police deserve all de praise one can give dem. When dem people shoot that granny in Robb Street dem boys believe that de killers woulda walk. But dem police wuk and dem didn’t rest till dem ketch de killers. Dem deserve a medal.
Dem, boys seh that dem watching a development though. Dem know that big money involve and dem people who order de killing got big friends. Some of dem got big friends in de police force.
De thing that got dem boys vex suh till dem want stage a national protest is that people coulda kill an old lady fuh something that all of we gun dead and lef. De woman was no criminal yet she get shoot like one.
That is why dem want see de rope come out. Dem want know who give a man de money fuh pay de set wha shoot de old woman. Dem want know who see and claim that dem didn’t see nutten because somebody give dem money.
De police find a man wid guns and dem hear bout how he pay people. He don’t wuk fuh that kind of money suh somebody give he. De police gun solve de murder. Praise to de.
Talk half. Lef half.