Dem boys seh…People ketch de police napping
September 17, 2011 | By KNews | Filed Under Dem Boys Seh, Features / Columnists, News
Source - Kaieteur News
Who seh that Guyanese don’t like wuk? Some of dem wuk last night so that when people wake up all dem see is some sign attacking de Big Man. De people had to get free paint because dem use de stuff like if dem was painting a house.
But wha mek dem boys laugh is de catcher game that follow. De police come out wid dem paint can and start fuh paint over de sign. But dem can’t wuk.
Dem paint suh till dem get weary. After a while all dem coulda do was paint out de Big man name and lef de message. Sometimes dem paint out a word but is like if dem didn’t do nutten because people coulda still read de message.
And wha surprise dem boys was that dem paint pun de East Coast, pun de East Bank and pun de West Coast. De paint factory really mek a profit because de paint really sell.
Now some contractor looking fuh dem painters. One man seh is people like that he want. But nobody ain’t coming forward because de police looking fuh dem too.
Dem boys seh that de Big Man smile when he see de sign because he know that he don’t have to pay bonus this year. He officer send out de message that Peter gun pay fuh Paul and Paul gun pay fuh all.
Whoever paint just knock out de bonus.
But dem boys want to know wheh de police patrol been. If dem was wukking dem had to see people painting pun de road and in de middle of de road. Is not like dem was chasing after some crime. Dem ain’t see nutten and de Big Man ain’t giving de force no bonus.
One man seh that de painters know that police does sleep in de night suh dem tek de opportunity.
He wondering if dem gun do it again.
Talk half. Lef half.
September 17, 2011 | By KNews | Filed Under Dem Boys Seh, Features / Columnists, News
Source - Kaieteur News
Who seh that Guyanese don’t like wuk? Some of dem wuk last night so that when people wake up all dem see is some sign attacking de Big Man. De people had to get free paint because dem use de stuff like if dem was painting a house.
But wha mek dem boys laugh is de catcher game that follow. De police come out wid dem paint can and start fuh paint over de sign. But dem can’t wuk.
Dem paint suh till dem get weary. After a while all dem coulda do was paint out de Big man name and lef de message. Sometimes dem paint out a word but is like if dem didn’t do nutten because people coulda still read de message.
And wha surprise dem boys was that dem paint pun de East Coast, pun de East Bank and pun de West Coast. De paint factory really mek a profit because de paint really sell.
Now some contractor looking fuh dem painters. One man seh is people like that he want. But nobody ain’t coming forward because de police looking fuh dem too.
Dem boys seh that de Big Man smile when he see de sign because he know that he don’t have to pay bonus this year. He officer send out de message that Peter gun pay fuh Paul and Paul gun pay fuh all.
Whoever paint just knock out de bonus.
But dem boys want to know wheh de police patrol been. If dem was wukking dem had to see people painting pun de road and in de middle of de road. Is not like dem was chasing after some crime. Dem ain’t see nutten and de Big Man ain’t giving de force no bonus.
One man seh that de painters know that police does sleep in de night suh dem tek de opportunity.
He wondering if dem gun do it again.
Talk half. Lef half.