Councie, what do you say?

Can you imagine

Kwame getting more Votes....

In Berbice than Ashni....

Look.....De way de fix this.....

Like Kwame more Important

to Jagdeo & Ramotar

Probably more dear to jagdeo.  

Baseboard, how could this happen?

Dem boys seh…De people get con again at de Congress

De Pee Pee Pee congress done and Bharrat is de number two man when it come to getting vote fuh de top bracket in de party. Dem boys talk ‘bout all de wrang things he do and dem still got people who don’t care. Dem is de people who help got de country deh way it deh.
Dem is de same people who vote fuh Kwame. Now wha message dem sending to de nation bout de party. Donald as General Secretary coulda decide who he want in de leadership. It look like he want Kwame next to he and that is a shame.
Rob Earth brother get nuff vote too but he ain’t in de top bracket because somebody push he one side. Odinga didn’t get no vote or he didn’t run. Ash Knee ain’t deh in de mix and Brazzy ain’t deh too. Dem is de people wukking behind de scene.
Sam ain’t a party man although he been in de thick and thin of de congress. He ain’t run fuh Central Committee.
But something interesting come out. A man talk ‘bout corruption, suh is de first time de party try fuh examine corruption, but dem boys hear that de debate wasn’t too serious. One delegate tell de people that a man got to live, suh de whole country can expect more of de same.
Only Donald talk ‘bout Amaila and de people didn’t even understand wha he seh. He ain’t tell dem nutten bout de design and de poor people ain’t even realize that is three design dem advertising, although dem already talk ‘bout de price.
And just fuh show how things go, one man go to de congress and when he go home bandits shoot he in he hand. This man ain’t even know that Brazzy sell he brother de most shares in a company and sign fuh he brother too.
But wha dem boys can expect? Is only a congress. De people get con again at de Congress
Talk half and watch fuh dem con man.