Guyana gat mo gas onshore dan offshore
Dec 13, 2021 - Source - Kaieteur News Online -- https://www.kaieteurnewsonline...hore-dan-offshore-2/
Kaieteur News – Dem boys seh de guvament nah gat fuh build no gas-to-shore plant. De amount ah fart wah does come out ah dem politicians’ mouth, dem gat enough gas fuh power de national grid right pun shore. Dem boys call dat natural gas.
De amount of gas wah does pass, enough fuh knock de wind out ah yuh and to blow de country away.
Dem boys know dat sometimes when a strong one hold yuh, yuh does gat fuh let it rip. After all happiness comes from within.
De Vee Pee could put all dah gas from de guvament to use. He can mek it light every bulb in every house in Guyana.
But de specialists fuh gas is dem doctors. Dem gat de cure. One day a man went to see he doctor who ask he: “What seems to be the problem today?”
De man answer, “Ah passing a lot ah wind, all de time.”
De doctor nod and say, “Hmm.”
De man seh, “Dem nah stink and yuh nah hear dem. Is just dat it happening all de time. Since me come hay, me done leggo five times already.”
De doctor picked up he notepad and write out a prescription.
De man tun to de doctor and ask, “Will this prescription help me stop passing gas?”
”No,” said de doctor. “The prescription is to clear your sinuses. Next week I want you back here for a hearing test.”
Talk half and check yuh smell and hearing regularly.