Dem boys seh…If yuh want lose anything, guh to de Stadium
September 16, 2011 | By KNews | Filed Under Dem Boys Seh, Features.
When people want lose anything dem does guh to de Stadium. A man guh to a show wheh dem had plenty people. He park he car and he carry he friends inside. He sport but he know that he had to drive suh he didn’t drink too much.
When he step outside he go to de place wheh he park and he freeze. Dem boys seh that he rub he eye. Then he guh back inside and come out again. This time he bring he friends. He ask dem if he drunk because he know he didn’t drink plenty. “Is nah mad me mad?” People thief he car and to this day he never find it.
He is not de only one. Nuff people lose car and motorbike. While people sporting dem have de set who wukking. One man ketch people stripping he car right at de stadium and when he holler dem run way wid wah dem done tek off.
Clement daughter guh to a show at de Stadium and people tackle she and rob she. Although police does deh round, that don’t prevent people from getting rob.
People does end up getting dem pocket pick and who got gold chain got to know that dem people at de Stadium gun tek it.
Nuff people going there today. Dem going to celebrate wid de Big Man. Dem boys know is a big occasion but people got to move like Anancy. Dance a battam, look a tap. While you celebrating wid de Big Man, peep outside. De alternative is fuh walk wid anchor chain and strap down yuh car, or yuh motorbike.
A man did try that and all he find was de wheel wha strap down.
Hold yuh pocket and strap yuh neck if yuh got gold chain or yuh ent gun appreciate what gun happen.
Talk half. Lef half.
September 16, 2011 | By KNews | Filed Under Dem Boys Seh, Features.
When people want lose anything dem does guh to de Stadium. A man guh to a show wheh dem had plenty people. He park he car and he carry he friends inside. He sport but he know that he had to drive suh he didn’t drink too much.
When he step outside he go to de place wheh he park and he freeze. Dem boys seh that he rub he eye. Then he guh back inside and come out again. This time he bring he friends. He ask dem if he drunk because he know he didn’t drink plenty. “Is nah mad me mad?” People thief he car and to this day he never find it.
He is not de only one. Nuff people lose car and motorbike. While people sporting dem have de set who wukking. One man ketch people stripping he car right at de stadium and when he holler dem run way wid wah dem done tek off.
Clement daughter guh to a show at de Stadium and people tackle she and rob she. Although police does deh round, that don’t prevent people from getting rob.
People does end up getting dem pocket pick and who got gold chain got to know that dem people at de Stadium gun tek it.
Nuff people going there today. Dem going to celebrate wid de Big Man. Dem boys know is a big occasion but people got to move like Anancy. Dance a battam, look a tap. While you celebrating wid de Big Man, peep outside. De alternative is fuh walk wid anchor chain and strap down yuh car, or yuh motorbike.
A man did try that and all he find was de wheel wha strap down.
Hold yuh pocket and strap yuh neck if yuh got gold chain or yuh ent gun appreciate what gun happen.
Talk half. Lef half.