Have faith, your cries will be answered
You got to have faith to continue to live a normal life in Guyana. You might want to know wha dem boys talking about. Dem mek a road today and it bruck up tomorrow.
You build a stelling in de morning and by afternoon it float way; you build a bridge by morning and de next day it collapse. Dem building koker all across Guyana wheh dem don’t have canal or trench.
Dem putting down water pump that can’t pump water fuh full a glass. All these projects got dem spending 15 and in some cases 50 times de actual cost to build dem.
Dem go suh far fuh expand airport and spending money that can build ten airport in de region. That same airport got 69 toilet bowl and tank that cost $500,000 each. To justify that, Jagdeo and Benn seh that special people coming to Guyana and dem got to use de toilet because dem kaka special. Jagdeo and Benn justify de spending pun de airport telling de nation that dem eyeing black people from Africa.
Dem boys seh that dem got some nerve, fuh sure is not balls, to tell this nation such crap, when dem can’t even bring dem own mattee black people, coolie people or buck from we neighbouring country.
Dem building fancy hotel pon taxpayers land wid de taxpayers money that will eventually end up landing in private man hand. Is all dem things force people to have faith.
Dem boys know bout faith and strongly believe in it. Dem remember de story wid Abraham, and not Jagdeo close man who he knock off. This is de one from de Bible.
He was way too old to have a baby, but de Creatah promise him that he would have a son. Abraham had strong faith.” He get up every morning and said, “Lord, thank You for Your faithfulness. Thank You that my baby is on its way.”
He kept thanking de Creatah and eventually, the promise came to pass.
De same way de Creatah promise Abraham to give him a baby is de same way he promise dem boys that he will see all de Bees including de man who look like de devil, Jagdeo, Irfaat and Rob de Earth, end up in pumpkin jumpsuit.
De Creatah tell Uncle Glenn and Uncle Adam, “What I started in your life I will finish.” The key is to follow Abraham’s example and praise God while you wait.
Talk half and wait. It’s only time.
