Jagdeo and Donald Dumb have no shame
When dem boys talk that Jagdeo and he kavakamites greedy, nuff of he supporters use to get vex. Dem use to seh that de Waterfalls paper staining de man and lying pun dem.
Now de nation and all dem supporters seeing Jagdeo and Ramotar fuh de greedy brutes they are. None of de two of dem did anything fuh Guyana that de people can be proud of.
As a matter of fact, all dem did was full dem pockets, dem family pockets and dem friends pocket. That scamp Jagdeo also mek sure that before he lef office he put in place a pension package fuh mind him and de whole of Unity Village wheh he come from.
When that package came out, de whole of Guyana cuss. People see de things he put in place fuh himself, things like two first class plane tickets to any destination in de world and he don’t even have a dog or pig.
Donald de Dumb, he sidekick, got pickney, pig, sheep and goat, not Rohee. He also got a wife. He sleep through he three years in office and he only wake up de other day when he hear he got to pay light bill. That is how he call Jagdeo and de two of dem decide to challenge de cut wha Soulja Bai drop pun dem.
Both de scamp and Donald de Dumb had no shame what-so-ever. De things that dem put in de writ speaks volumes of who these two shameless men are.
Dem eyes pass people and de court to de extent that dem had de nerve to ask de court to hear dem writ secretly. This is de first time in history that people hear a man file a writ and then ask de court fuh hear de matter in secret.
De two of dem know that dem can’t talk and let people know wha dem challenging in de court. Because dem got to show inconvenience.
Imagine that de two of dem going to court to tell de judge that any cutting mustn’t affect dem, only future presidents because dem seh that de law can’t reverse.
But de same Jagdeo and Donald Dumb reverse de law to mek de illegal sale of Sanata Complex to heself, legal.
Talk half that Soulja Bai reverse that sale.
