Jagdeo and Soulja Bai lef a man wid serious problems
Dec 11, 2016 , http://www.kaieteurnewsonline....id-serious-problems/
When people get problem, de fuss person dem does tun to is de Creatah. Then dem does tun to dem religious leader be it a Moulvi, a Pandit or a Pastor.
Then some of dem does tun to de Obeah Man or witchcraft. Dem boys know nuff who do that. Jagdeo, that scamp, and Brazzy, that fat crook, is two of dem.
A man who use to wuk wid Jagdeo and now wukking wid Soulja Bai continue to have real family problems. Jagdeo did send him he obeah people but he never get help. He discuss it wid Soulja Bai who send him to a witchcraft specialist and again he nah get no help.
So he come to de Waterfalls paper and he ask dem boys if dem know anybody who can help him get rid of de problems ee suffering.
He was already telling dem boys bout how he gun kill heself and dem boys beg ee to relax heself. That is how dem send ee to this religious leader. Everybody know ee in Guyana. Dem boys ain’t saying wha he name or which religion he from.
De man guh to this religious leader and tell him all ee problems. De man tell him come back in two weeks time and bring a piece of dirt from yuh yard when yuh coming. So de man went back after two weeks with de piece of dirt.
The religious leader do he thing and say boy I don’t know if you could handle hearing what I got to tell you. De man say go ahead I ain’t able live in torment no more.
De religious leader seh to him, “De two boys you calling your sons is not yours; yuh daughter seeing five different men and your wife pregnant for the neighbor. De man starting laughing. De religious leader ask him why you laughing after hearing all this bad news I now just tell yuh.
De man seh I have something to tell you. I don’t know if you could handle it. De religious leader seh go ahead; tell me.
De man seh, “When I was coming to meet wid you and after I pass you house I realize I fuhget to bring de dirt from me yard. Suh I turn back and go in you yard and bring de dirt from deh.
Talk half and be careful who you discussing your problems wid.