April 11,2017 Source
Don’t trust everything you see. Even salt does look like sugar. Dem also have an old saying; No tricks, no living. Dem boys know that dem have people who does always got a scheme to defraud people. Jagdeo is de king fuh that.People still remember how he spend millions and didn’t install de two computer programme fuh check de money wha dem spend at de Finance Ministry. He and Ashni did seh that wasn’t important.
De same man tell reporters yesterday that you don’t need a policy fuh public private partnership. You just got to do wha you want. To this day de taxpayers paying over $100M every six months to maintain de Marriott.De same scamp tell de nation that is alright to do Govt accounts wid lead pencil wid big erasers. Only crooks does behave that way and when dem get ketch dem does seh all kind of thing.
That man cultivate a crop of crooks and scamps in this country.
When dem boys ask him bout de Venezuela rice fuh oil money he seh that money deh in a bank fuh mek interest. Wha he didn’t tell de nation was who bank account it been in or deh.Dem boys seh SOCU should do a thorough investigation to find out wheh all dem hundreds of billions disappear.
Before de week out SOCU will have to investigate another crook, bred by Jagdeo. This one name Smoothie. He con so much people that he see all dem magistrate and judges face already. And like he ain’t tired, just like ee creatah, Jagdeo.
He open school to teach people bout oil and gas. Not cooking oil and kero.
He don’t know nutten bout oil. He can’t even spell oil and he open school to teach who? He gun still get people just like how people still following Jagdeo.
Smoothie try every scheme under de sun. He do money transfer; he train women to become flight attendants,
De only scheme he and Jagdeo got to try is how to get out of prison.
Talk half and hope SOCU, SARU or Aloo ketch dem quick.
