Aug 03, 2017 Dem Boys Seh
De number of people who suddenly got problems wid de Broadcasting Bill more than de people who ever talk when dem boys use to protest fuh dem radio licence. All of a sudden people talking bout putting people out of a job and seizing dem property.
Fifteen people get radio licence without even applying. Jagdeo just pick up de licence and give dem. Moses decide that he got to check dem same licence and all of a sudden he hearing how de people got a constitutional right to wuk.
Dem boys seh if a man go into a place wha selling cars and tek out fifteen and give dem to dem friends and family, then de people who get de cars got a right to keep dem. De truth is that this kind of lawlessness is wha Jagdeo introduce. Is now it sinking home. Dem radio licence didn’t belong to dem people in de first place suh if Moses tek it he got a right.
De trick is that Jagdeo ain’t talking bout radio. He talking bout TV. He know that he thief de airwaves and now he want de people to believe that de theifing stuff is dem rightful property.
De other thing that dem boys want to know is since when Jagdeo know bout constitutional right. Rohee tek instructions from Papa Cheddi and travel overseas and fire nuff people. He didn’t study that dem people was being put out of work. Nobody didn’t seh nutten.
Jagdeo and Luncheon get together and fire nuff other people. When dem same people try to get a job elsewhere Jagdeo and Luncheon threaten de people who try to employ dem. De constitution didn’t come into play then.
However, dem boys know two wrongs don’t mek a right. Yet it can’t be fair to lef people wid thiefing thing. These people mekking so much noise that you would believe that dem got de power to put Soulja Bai out of office. All of dem who mekking nuff noise didn’t vote fuh de coalition and dem wouldn’t vote this time around.
Tek Neil who complaining about de Broadcasting Bill. As a Jehovah Witness he don’t vote but he can mek noise. He can’t talk bout constitution because he religion got another constitution. But he talking. That is de stupidness that going on.
Talk half and keep one eye pun de deceitful Jagdeo.
