Kak deh round de carner, Soulja Bai
Jul 09, 2017 , http://www.kaieteurnewsonline....e-carner-soulja-bai/
Sex is de sweetest thing on earth. People does married fuh get it, some others does pay fuh it and some does just think about it. But in all this some don’t know what to do to enjoy it. Dem boys now offering 10 steps for de best sex with your partner.
Dem boys know you would continue to read to find dem steps.
GO AND READ YOUR BIBLE. QURAN or the BHAGVAD GITA, U WUTLESS BRUTE …
The end is near.
But back to serious business. Dem boys want Soulja Bai to know that he people either thiefing or giving away taxpayers dollars. And he encouraging it. Who does rent house in Guyana fuh Half million dollars?
Dem boys want him to know dat renting a house fuh $500,000 a month is not only ridiculous; it is wholesale thieving like wha Jagdeo dem use to do. You can buy one and pay that same money as mortgage. By de time you lose power it belong to de other govt.
Whoever negotiate that package pocketing something big time.
Open your eyes and see bro, That is de advice from dem boys.
Dem experts done seh poor leadership can mek an oil-rich country go hungry. De decision on whether Guyana go hungry or not is in your hands. Make the right decision; don’t depend on dem boys to guide you on it. Dem too weak and gullible for what is coming. Dem boys believe you is de only one who strong enough to resist any temptation.
Remember the headline de other day? A man seh OIL corrupts weak govts and Guyana is far from strong. De same man seh it will take better politicians to resist the corrosive power of de Petrodollars.
That same man seh dem done kak we with the amount of OIL dem seh dem find. De man seh it is much, much more than what they want us to believe deh sitting under de water. We got to watch dem every step of de way but dem boys don’t know how that gun be possible because dem talking bout bringing in dem own security people.
Read thru de lines Soulja Bai. That is to keep off Guyanese from the oil rig area. Dem don’t want nobody see how much coming up and how much getting ship out. Is not dem boys seh suh, is de experts.
De advice is don’t trust none of de people you put to study this oil deal.
You will get kak and dem boys and you too old to tek it.
Dem boys want to whisper something in your ears so you will know what already tekking place with some of them under your nose. As yuh know nutten is secret.
Dem boys never beg anyone fuh anything but fuh de sake of our own gold, timber and now OIL dem boys begging Soulja Bai fuh put everything down and spend some time, Study that oil company; mek de right deal fuh everybody children, grandchildren and great grandchildren to come.
Talk half and dem boys willing to help out without a cent.