Dem boys seh … De kavakamites running out of hiding place

Dem seh when you back against the wall, when you cornered and got nowhere to run and hide, you does start fuh panic and break into cold sweat.
Every day dem bareface people wha’ robbing de treasury in dis country getting cornered by Waterfalls paper. It start wid dem contractors, and continue wid dem engineers till it meet certain Ministers. Now dem running out of hiding place. And is not that dem running out. Is de hiding place running out.
Bar Bee is de chief hide man. He never like fuh people see he face. Even when he go to public function he use to hide. And he had good reason because dem boys start fuh peep dem drugs deal, and de money he collect fuh buy dem same drugs.
But dem boys would nevah tek dem eye off he and de Rat. No matter which part of de world dem try fuh hide. Dem boys got eye everywhere…even in de sky.
De kavakamaites seh de Waterfalls paper want fuh destroy Guyana and it gun cost billions fuh restore the country image. What billions? And what image destroy? Dem is de same people who report that Guyana getting record visitors. Dem is de same people who expanding de airport fuh attract people from Africa, Europe and Asia. Is who dem think dem fooling? De billions is fuh more people pocket.
Tek de Marriott. De real hotel construction cost is about US$28 million. Dem tekking US$60 million. Wheh de difference going? Don’t guess. Jagdeo was de one who claim that dem project gun bring employment fuh Guyanese. Well, not one Guyanese wukking pun de Marriott. And dem same Chinese got de nerve to tell de Waterfalls paper that reporters must ask Brazzy.
Dem boys seh that is like sending de devil fuh try case in hell.  But when Jagdeo seh that Guyanese gun get wuk, he sound good, but is a case of giving sweetie a young child. People actually believe till dem line up at de wuk place and hear that there is no vacancy. Well now that dem boys show de country all de scampishness wha going on and how dem eye pass all dem ordinary man, yuh gun see how quick dem gun run fuh pull in couple ****** man, black man and buck man.
Old people seh, always pray to have eyes to see the best in people, but dem boys at de Waterfalls paper got eyes to see not only de best, but also de beast in some people. And everybody know dem now.
Talk half and watch dem beast like chicken hawk

"Dem seh when you back against the wall, when you cornered and got nowhere to run and hide, you does start fuh panic and break into cold sweat."

.

.

.

Sounds like dem PPP apologists here.  Exactly why they complain about any and everything the opposition does even though they know deep down, it is good for the country.

Old people seh, always pray to have eyes to see the best in people, but dem boys at de Waterfalls paper got eyes to see not only de best, but also de beast in some people. And everybody know dem now.

We got someadem right here on GNI

KN is doing a great job exposing de scampishness and dem vex up baad.

Ain't that something Mits. Most of these guys sit on their backsides, far away from the shit that's going on in Guyana and have the balls to come up with some crazy notion that the Govt is doin a superb job.

Meanwhile, with the exception of some of the PPP crooks, those poor people suffering back home barely manage to make a living,  dam!