In photo, President Ramotar appears slim alongside Winston "Secret Clause" Brassington.

Looks like NICIL is the place for gluttony and greed.

Dem boys seh …Brazzy was promised to see heaven a long time now

Last night was de Miss World pageant and dem boys ain’t certain who win or if anybody win. None of dem in de pageant look like if dem can win anything, and is not de boys seh suh. Dem gal tell dem boys fuh seh suh. Is dem same gyal tell dem boys how dem had a TV programme in which each one of dem gyal had to answer questions. One question was how she can know if somebody telling de truth. She seh that all she got to do is watch dem in dem eyes. Well she got a job when de contest done. Dem boys gun beg Donald fuh hire she. All she got to do is watch some of dem in dem eyes. She got to watch all of dem, starting wid de fat crook and de shaat crook, Jagdeo, Rob de Earth, Irfaat and all de Bees fuh find out if dem ever tell de truth in anything dem do. Ah Kneel hear wha dem boys plan suh he start wearing sunshades fuh mek de gyal nah see he eye. Dem ask another question about body. One gyal seh that she can watch de size of de person, de size of he shoes and de size of he belt and she can tell how wealthy he is. Another question was what does  de amount of hear pun a man head tell about him. De gyal seh how de less hair he got is de more he thief. Donald stop watching he head. Dem boys hear that Brazzy is no ordinary crook. When he was a li’l boy he neighbor tell dem boys a story. Dem seh that he was waiting fuh he mother to come out of Guyana Stores. As he waiting, a man approach he and ask, “Son, can you tell me where the Post Office is?” Brazzy, de shaat, fat boy, replied, “Sure! Just go straight down this street a couple blocks and turn to your right.” The man thanked Brazzy kindly and said, “I’m the new pastor in town.  I’d like for you to come to church on Sunday…I’ll show you how to get to Heaven.” Brazzy reply wid that same sly face that he got on to today.  “You’re bullsh…ing me, right?   You don’t even know the way to the Post Office! You can show me de way to heaven?” Ten Edghill was de pastor at de time and that is how he end up wukking at de post office before he tun Minister. Talk half and hope Brazzy never find dem way to heaven.

Hey Hey...