Dem boys seh … Kaieteur experience wha happen in Paris

Yesterday, gunmen shock de whole world when dem go into a media house in Paris and kill 12 people. Some still critical in hospital. Dem boys pray fuh de victims and dem family and dem prayers also deh wid all who survive de attack. Dem understand because dem been through something just like wha happen to de media house in Paris. Five of de staff get kill, that time but de man who kill dem dead and rotten. De world don’t know on to now who send dem in Paris or how many players was involved but dem boys hope de killers meet de same fate as de Kaieteur News gunman. When dem boys see de news pun TV right away dem remember Anil Nandlall, de Guyana Attorney General. He talk wid authority that de same thing wha happen in Paris gun happen at Kaieteur News. He had to know; he had to be one of de planners. He was in Paris de other day and dem boys wonder if he involve in de shooting up of de media house that kill all dem people. He couldn’t phone to warn anybody over deh like how he warn Lildarie because he woulda deh in jail. But he coulda do that in Guyana and de PPP-DPP didn’t see nutten wrang. She ain’t even see nutten wrang wid de shooting in Paris because she ain’t seh a word. Dem boys wonder if she or Cee fuh Satar even offer a prayer fuh de survivors and de families of de victims. But dem boys got plenty, plenty message fuh dem. There comes a point in your life when dem must  realize ‘Who matters, Who never did, Who won’t anymore…And who always will.’ De Waterfalls paper gun always matter. Don’t forget that. So, don’t worry about people from your past; dem wouldn’t always deh next to you fuh support you and hide you face. That is a message fuh all of dem corrupt and incompetent suckers. Talk half and remember that big people don’t play yo-yo.