Soulja Bai get slap behind he head
Sep 07, 2016 , http://www.kaieteurnewsonline....slap-behind-he-head/
Nuff people might have to give back de money BaiShanLin give dem fuh favours. One man who was a Minister and who now live in Florida did tek a big paper bag of money. Dem boys know because de bag burst when de rain wet it and de money fall to de ground. Was Uncle Sam dollars.
That was only part of de deal. Jagdeo get gift from de company and other people get free trip to China.
De people in de Home Affairs Ministry mek money from dem Chinee because dem sell work permit. Things was such that de Chinese Embassy actually support BaiShanLin. Now de Ambassador shame.
Joe ShanLin go to China and even get a private jet to fly him around to meetings wid a company that was coming to replace BaiShanLin. He come back wid de news that this company was coming in July. Dem boys seh that July come and gone and no company ain’t come.
This week somebody tap Soulja Bai behind he head. At de Cabinet meeting he tek a decision to tek back all de concessions that BaiShanLin got. He hear bout de human trafficking and de gold smuggling and de timber smuggling and he get vex. He want to know why Jagdeo didn’t stop these things.
Gail and Anil did deny that dem give away all de forest lands. Dem don’t have to argue no more because Guyana get back 618,000 hectares. When dem boys look at de map is then dem realize how much land BaiShanLin had.
Soulja Bai did stop BaiShanLin from exporting timber. Now all that timber is Guyana own. At last de people gun get something from BaiShanLin.
Dem boys want to know now that de land get tek way, wha gun happen to all dem Chinee who BaiShanLin bring. Dem ain’t gone back home because nobody never see a crowd of dem at de airport flying out. But dem boys ain’t even seeing dem in Guyana. One time dem see a local pilot fly a batch of dem to de North West to join a boat to Venezuela.
Talk Half and seh farewell to BaiShanLin.
