Soulja Bai know why he hire old people
Apr 14, 2018 , Kaieteur News, https://www.kaieteurnewsonline...-he-hire-old-people/
After de elections, people suddenly notice that Soulja Bai had a lot of old people in ee Govt. He had a reason fuh that. Old people ain’t de best people fuh thief. Dem know that dem ain’t got long to live suh dem wouldn’t thief plenty.
Some of dem wouldn’t thief at all because dem got memory problem. If dem thief and try to hide de money dem gun get a hard time remembering wheh dem hide de money. De odda reason is that dem got to train de young people and everybody know that old people don’t let young people see dem doing wrang thing.
And de Man above know all these things. Old people don’t need all that sleep like young people suh dem would wake up early, wuk whole day and go home late. Soulja Bai know wha he was doing when he tek all dem old people.
Dem boys know that de Man above does tek care of old people. He know most of dem don’t get enough exercise. In His wisdom God decide that old people got to become forgetful so they would have to search for their glasses, keys and everything, including dem false teeth. That mean that dem got to do more walking. That is how dem does get exercise.
De Man above see that old people got problem putting food in dem own mouth or even opening a door without dropping de key. It mean that dem got to bend and stoop and stretch. Is exercise dem getting again.
And dem boys seh de Man above ain’t done deh. When de night come he does mek dem want to use de bathroom more steady. That mean that dem got to wake up and walk to de bathroom more often.
Is even better if de bathroom deh outside de house. Dem got to walk and climb. Is exercise. De Man above know how to protect old people.
So, if you find as you age, you are getting up and down more, remember it’s God’s will. It is all in your best interest.
Talk half and don’t vex when Soulja Bai hire more old people.
