Soulja Bai order Exxon to drill Bee Kay well
Jun 24, 2017 , http://www.kaieteurnewsonline....-drill-bee-kay-well/
A teacher name Budhai who use to teach was very good in English. He was a master in puzzles and quiz and things like that. Every day at one o’clock he use to give riddles and drills in tables and puzzles.
Was one question after de other. Dem boys never forget some of dem.
One day he ask de class, “Give me de opposite of this sentence.
“Children in de dark make mistakes.”
Donald jump right away and seh, “Mistakes in de dark make children.”
Dem boys believe Budhai teach Soulja Bai earlier because he did tell dem boys Teacher Budhai did ask dem a question. “What do you spend $38 million to build in de daylight that people still can’t see day or night?”
Jagdeo, that scamp, answer, “Water wells.” He and Bee Kay carry de ‘Three coins in a fountain” to another level. Is only de two of dem get de money from de wells which more deep that any fountain.
And Soulja Bai always remember de answer Jagdeo give on wells. He was keeping his eyes and ears open. That is why when he tun president he tek way de Alexander Village well from Babbie. That well been in de complex wha Babbie get fuh little or nutten but wha dem did want fuh thief too. In fact, that was a fountain in which nuff people throw dem money.
Jagdeo did give Bee Kay money to build plenty wells. People can’t see dem wells to this day. And when Soulja Bai ask Bee Kay, he seh all de money deh down deep in dem well. De only thing is that nobody can see dem.
Dem boys hear Soulja Bai now hire ExxonMobil fuh find dem well and drill to bring up all that money dem get pay. Dem boys also hear Soulja Bai seh if ExxonMobil dig and don’t find that money, Bee Kay better drill dem well so that de people can back dem money, And he don’t have a cent to get.
Dem boys jump fuh joy when dem hear that come from Soulja Bai because dem know if was Jagdeo and Donald dem woulda give Bee Kay more money fuh dig well in everybody backyard and demand money from dem too.
Talk half and try see if you can find dem Bee Kay well.