Soulja Bai vex bad wid Li’l Joe
April 3, 2016 | By KNews | Filed Under Dem Boys Seh, Features / Columnists, News, http://www.kaieteurnewsonline....vex-bad-wid-lil-joe/
There is an old saying, “You does run from de jumbie and butt up wid de coffin.” Dem boys seh in Li’l Joe case, is de opposite. He look like he run from de coffin and butt up wid de jumbie.
When Li’l Joe been in de opposition he talk big and bold how BaiShanLin kickbacks seem to have “silenced de PPP government.” That is when dem boys seh he had he mouth in de right place.
But now wid power in he hand it look like if got he mouth and he behind in de wrong place, right in front de Bees face.
Dem boys hear Soulja Bai now vex wid him. Soulja Bai seh he fight against corruption from all angle and description. He tell dem boys he too old fuh sin he soul and that he plan to deal wid anybody in ee administration who want to hug or kiss corruption.
Dem boys believe him because a lot of people been telling dem he is a good man and Sandra is a good gyal too. He now thinking whether he should have Li’l Joe supervising dem other Ministers in lieu of de love affair he develop overnight wid BaiShan, that crook, and BK, that scamp.
Dem boys know dem got Ministers who want to quietly tell Soulja Bai and Soulja Gyal some things about de sudden thieves in de Cabinet. He should call dem one by one and find out wha dem know and he would be shocked. But he got to be careful. Is a shock like that kill Papa Cheddi. And dem boys don’t want he go now. As a matter of fact dem boys want ee fuh another term.
Dem boys hear from a minister that Li’l Joe stalling de audit reports and mek nobody can’t get charge up to now. Dem audit show up nuff skullduggery and criminality but yet nobody ain’t get charge.
That is why dem auditors so vex that dem seh even if de govt pay dem, dem refuse to do any more audit.
One auditor tell dem boys that dem have three type of things that can happen to people in this country. Dem either gun get screwed; dem who get screwed already, or dem who thinking bout screwing you. Li’l Joe fall in one of dem, Jagdeo fall in another and dem boys in de other category. You decide.
Talk half and watch Soulja Bai live up to ee reputation.
