Dem boys seh…A woman like Kamla got more balls than we Donald
Kamla sending a message that she is more man than some of dem president and Prime Minister in de Caribbean.
At least she is more man that two of dem who rule Guyana.
One of dem ruling right now.
She do wha none of dem never do and wha dem can’t do.
Dem boys seh that she got nuts.
Some people seh that she use to play cricket suh she got nuff balls.
She had a Minister who feel that he is de cock of de rock.
He name Glen.
He go pun de plane and he feel up a flight attendant.
Now, that flight attendant belong to somebody else and at least she got parents.
She didn’t like wha happen and she mek a report.
Dem boys remember that in Guyana people report to Jagdeo how he Minister try fuh rape a li’l gyal.
That man is still Minister.
People report that a Minister shoot off he gun in public.
Jagdeo ain’t do nutten.
Another Minister crash up wid a family that driving out.
Police ain’t even charge and Donald ain’t do nutten.
Kamla did knock off one minister who did drunk and refuse to go to de station after an accident.
De police did order he to go to de station.
He cuss de police and drive away.
Kamla send he home two days after.
Kamla knock off this Minister who mek heself personal wid de flight attendant.
When dem boys check, is a dozen Minister she knock off and she ain’t spend four year yet as Prime Minister.
Dem boys seh that she ain’t mek no excuse; she act.
She got wha Donald should get.
A man thief from de government while he wukking at Hen See Hen.
Donald get de report and to this day he ain’t do nutten.
When dem boys ask he bout de report he does blind, deaf and dumb, plus numb.
Kamla woulda talk and act.
Talk fuh rain and talk fuh sun, Kamla is a leader dem boys love and every decent citizen of de world would love she.
De American boss man here in Guyana believe that Donald ain’t too bad but dem boys seh that he don’t know half of de story.
He don’t know that Donald protecting scamps and crooks.
He nutten like Kamla.
He should tek de whole tree from Kamla
and dem, boys ain’t talking bout countree.
Talk half and send some new balls fuh Donald, fuh he play wid.
Does Donald have Balls????....or
Support & Promoting Buggerism make you impotent???
